白點來襲

新入缸小鬍子有白點，加上天氣降溫魚尾又開始現白點。馬上「雙管齊下」計劃 keep 28°c 水四日，希望大步攬過。

2月10日

香港氣溫降到7度，兩支暖管齊開至 keep 到26度。馬上放幾兩連翹鎮住白點，人定勝天。

角螺亂搞男女關係事件

24吋缸內4隻角螺兩大兩細（兩公兩乸）成日搞埋一堆，生到啲卵一草都係。

決定棒打鴛鴦，將母螺放8吋缸，正好除藻。

涉嫌水性楊花之兩隻母螺

罪證

小鬍子異形

除左細個果陣養金魚都興加返條「琵琶」吸玻璃，「食屎」等。近年養草缸魚都有留意大、小鬍子（台灣叫異形，香港多叫琶）都好多人養，而且大部份品種身價不菲。

想養琶係因魚缸玻璃長期生綠塵藻，不過適合草缸的琶要夠小型（理想成魚6cm），型號L###又多，價錢又比較貴，一直未有入手。

今日在魚街看到$48兩條BB“小鬍子”，3cm左右黑身白點幾可愛，衝動入手。對水兩小時入缸，都算生猛，不過有預感成魚成尺長品種。

8吋更新

8吋蝦缸生啡藻影響視野，清藻順便執位望落舒服啲。

細細缸內有迷你椒草，牛毛，小水榕，椒榕，矮柳，細葉皇冠，針葉皇冠，黑木蕨，小三角莫絲。

火山岩沙種草

聽講火山岩沙唔適合種草因為唔似泥底可以留住養分。今日係大缸修剪出針葉皇冠同牛毛係14吋試驗，希望唔會種到塞住底濾。

因為火山岩沙輕，發現針葉皇冠好難插，牛毛則相反。

金燈，肥燈

一個月前在魚街買袋裝魚“金x燈”廿蚊4條，而家養到出色非常可愛，香檳金身，黃尾白鰭，唯一是會追魚太活躍。

都係同一時間入左10條新燈，比較下先發現原來的3條非常肥仔，一吋有多。

17 Jan update

原來金x燈是金針。

紅狐

台灣叫一眉道人，成魚真係好靚，不過養大有成4吋又愛跳缸，幾拾蚊條唔化算。

幾月前係油站對面發現有紅狐幼魚$90六條，睇左幾星期忍唔住買左，入缸都算順利。到而家兩個星期死剩3條，其中一條應該過唔到星期日。

原因係挑食，冰蟲，乾糧，冰豐年蝦，冰水蚤都唔(搶)食，結果餓死。如果$90養大兩條成本比買成魚貴。